paksahafat پاک صحافت
Related Articles
لاہور (پاک صحافت) جماعت اسلامی کے امیر سینیٹر سراج الحق نےسوال اٹھاتے ہوئے کہا کہ فیک نیوز پر تو پانچ سال کی سزا ہے، فیک حکومت پر کتنی سزا ہونی چاہیے؟ سراج الحق کا کہنا ہے کہ مسائل کی اصل جڑ حکومت ہے، جعلی نظام اور ایوان کو بدلنا ہے۔
تفصیلات کے مطابق جماعت اسلامی کے امیر سینیٹر سراج الحق نے لاہور میں مہنگائی کے خلاف دھرنے سے خطاب کرتے ہوئے کہاکہ معیشت کا آغاز انڈوں اور مرغی سے شروع کیا گیا، 50 لاکھ گھر، ایک کروڑ نوکریاں تو نہیں دیں، یہ بتادیں آپکی مرغیوں نے کتنے انڈے دیے اور کٹے، بکریاں گائے کہاں گئیں۔ انہوں نے حکومت پر تنقید کرتے ہوئے کہا کہ ان کی معاشی، تعلیمی پالیسیاں ناکام ہوچکی ہیں۔
واضح رہے کہ دھرنے سے خطاب کرتے ہوئے سراج الحق نے مزید کہا کہ کرپٹ ٹولہ عوام کا خون نچوڑ کر مستقبل تباہ کرتا، ہمارا کاشتکار بھوکا سوتا ہے اس کو کھیت کے لیے یوریا نہیں ملتا، ڈی اے پی کھاد سونے کی طرح ملتی ہے۔ کرپٹ ٹولے کی موجودگی میں پاکستان ترقی نہیں کرسکتا، کرپٹ ٹولے کبھی ایک تو کبھی دوسرے نام سے لوٹنے کے لیے سیاست میں آتے ہیں۔
