paksahafat پاک صحافت
Related Articles
سیالکوٹ (پاک صحافت) پاکستان مسلم لیگ ن کے سینئر رہنما اور سابق وفاقی وزیر خواجہ آصف نے پاکستان تحریک انصاف (پی ٹی آئی) حکومت کو آڑے ہاتھوں لیتے ہوئے کہا کہ موجودہ حکمرانوں کے دن گنے جاچکے ہیں۔ عمران خان ایسے وقت میں روس گئے جب وہاں جنگ چھڑی ہوئی تھی،حکمران کشکول لے کر جگہ جگہ جا رہے ہیں، قوم کو بھکاری بنا دیا ہے۔
تفصیلات کے مطابق سیالکوٹ میں ورکرز کنونشن سے خطاب میں خواجہ محمد آصف نے کہا کہ 2018ء کی پریکٹس دہرائی گئی تو حالات مزید خراب ہوں گے۔ انہوں نے کہا کہ ووٹ کے ذریعے ووٹ کی عزت کو بحال کیا جائے۔ انہوں نے یہ بھی کہا کہ پی ٹی آئی کے لوگ ہم سے رابطے میں ہیں۔
واضح رہے کہ ورکرز کنونشن سے خطاب کرتے ہوئے خواجہ آصف نے مزید کہا کہ الیکشن جلدی ہونے جارہے ہیں، چاہے جنرل الیکشن ہوں یا بلدیاتی، تحریک عدم اعتماد سے متعلق نتائج جلد عوام کے سامنے ہوں گے۔ انہوں نے یہ بھی کہا کہ پیپلز پارٹی سے سیاسی اختلاف ضرور، لیکن ایک دوسرے کے لیے احترام ہے، حکمران ذاتی مفادات چھوڑ کر ملکی مفادات سامنے رکھیں، معاملات حل ہوں گے۔
