paksahafat پاک صحافت
Related Articles
کراچی (پاک صحافت) بلاول بھٹو کا کہنا ہے کہ جو حکومت عوام کی دشمن ہے وہ کبھی عوام دوست بجٹ نہیں بناسکتی ہے۔ اس عوام دشمن بجٹ کی پارلیمان سے منظوری کو ناکام بنائیں گے۔
تفصیلات کے مطابق چیئرمین پاکستان پیپلزپارٹی بلاول بھٹو زرداری نے ایک بیان جاری کرتے ہوئے کہا ہے کہ آئی ایم ایف کی جانب سے تیارکردہ بجٹ کی منظوری پاکستان کی خود داری اور خود مختاری پر حملہ ہوگا۔ پیپلزپارٹی اس بجٹ کو روکنے میں بھرپور جدوجہد کرے گی۔
بلاول بھٹو کا مزید کہنا ہے کہ عمران خان کے ہر بجٹ کے بعد وہ سال معاشی تباہی کا سال ہوتا ہے۔ اب عوام عمران خان کے جھوٹے دعووں کو سمجھ چکے ہیں۔ ملک کے عام آدمی کے پاس مہنگی دوا خریدنے تک کے پیسے نہیں ہیں تو وہ خزانہ بھرنے کے عمران خان کے دعوؤں کا آخر کیا کرے گا۔ انہوں نے کہا کہ پی ٹی آئی کی معاشی پالیسیاں عوام دوست نہیں بلکہ چند سرمایہ داروں کے مفادات کے گرد گھومتی ہیں۔
