paksahafat پاک صحافت
Related Articles
لندن (پاک صحافت) وزیراعظم شہباز شریف کا کہنا ہے کہ عمران خان کی سیاست جھوٹ، یوٹرن اور اداروں پر حملوں سے عبارت ہے۔
تفصیلات کے مطابق وزیراعظم شہباز شریف نے سماجی رابطے کی ویب سائٹ پر ایک بیان جاری کرتے ہوئے کہا ہے کہ اقتدار کے ایوانوں سے نکلنے کے بعد سے پاک فوج کو بحثیت ادارہ تنقید کا نشانہ بنانا عمران خان کا وطیرہ بنا لیا۔ انہوں نے حکومت کی جانب سے تعاون کو مسترد کیا اور قانونی پیش رفت کا بائیکاٹ کیا۔
شہباز شریف کا مزید کہنا ہے کہ پاک آرمی کے ہیلی کاپٹر کریش میں شہید ہونے والوں کے خلاف سوشل میڈیا مہم کس کی ہدایت پر چلائی گئی، ایسے اخلاق سے عاری افعال ہمارے سیاسی کلچر کا کبھی حصہ نہیں رہے۔
انہوں نے عمران خان کو مخاطب کرتے ہوئے کہا کہ کرپشن کے الزامات لگنے کے باوجود آپ کس طرح ملک کے آئینی سیاسی نظام کو الٹانے کا دعوی کر رہے ہیں۔ پاکستان میں جنگل کے قانون کے بیانئے پر آپ کو رائے ہوں کہ ان تاریک راستوں پر مزید آگے نہ بڑھیں۔
