paksahafat پاک صحافت
Related Articles
لاہور (پاک صحافت) ایرانی صدر ابراہیم رئیسی کا کہنا ہے کہ اسرائیل کے ساتھ جنگ میں فلسطینی کامیاب ہو کر ابھریں گے اور صہیونی افواج کے خلاف پاکستان کا موقف قابل تعریف ہے۔
تفصیلات کے مطابق ایرانی صدر ابراہیم رئیسی نے لاہور میں مقبرہ اقبال پر حاضری دیتے ہوئے کہا کہ فلسطینی فاتح بن کر ابھریں گے۔ فلسطینیوں پر ظلم کرنے والے اسرائیلی شکست سے دوچار ہوں گے۔ علامہ اقبال نے امت مسلمہ کو ایک نیا راستہ دکھایا۔ اقبال کی شاعری ایران پاکستان تعلقات میں پل کا کردار ادا کر سکتی ہے۔
ایرانی صدر ابراہیم رئیسی کا مزید کہنا تھا کہ پاکستان اور ایران کے درمیان مضبوط برادرانہ تعلقات ہیں۔ انہوں نے امید ظاہر کی کہ وقت کے ساتھ ساتھ دونوں ممالک کے تعلقات مزید مضبوط ہوں گے۔ ایسا محسوس ہوتا ہے کہ میں پاکستان کے اس دورے کے دوران گھر پر ہوں۔
قبل ازیں ایرانی صدر ابراہیم رئیسی لاہور پہنچے جہاں ائیرپورٹ پر وزیر اعلی پنجاب مریم نواز نے ان کا استقبال کیا۔ وزیراعلیٰ پنجاب نے اپنی کابینہ کے ارکان کا صدر مملکت سے تعارف کرایا۔
ایرانی صدر شہر میں تاجر برادری سے ملاقات کریں گے۔ وہ مینار پاکستان اور بادشاہی مسجد بھی جائیں گے جہاں وہ نماز ادا کریں گے۔ رئیسی کا دن کے آخر میں کراچی کا سفر طے ہے۔
