paksahafat پاک صحافت
Related Articles
لندن (پاک صحافت) مسلم لیگ ن کے قائد نواز شریف نے صحافی ارشد شریف کے قتل پر افسوس کا اظہار کیا ہے۔
تفصیلات کے مطابق سابق وزیراعظم اور مسلم لیگ ن کے قائد میاں نواز شریف نے ایک بیان جاری کرتے ہوئے سینیئر صحافی ارشد شریف کے قتل پر گہرے غم اور دکھ کا اظہار کیا ہے۔ انہوں نے مرحوم ارشد شریف کے لواحقین سے بھی تعزیت و ہمدردی کا اظہار کیا ہے۔
یاد رہے کہ پاکستان کے سینئر اور معروف صحافی ارشد شریف کو گزشتہ روز کینیا کی پولیس نے غلط فہمی کی وجہ سے گولیاں مار کر قتل کیا ہے۔ پولیس نے ارشد شریف کی گاڑی کو ناکے پر رکنے کا کہا لیکن ان کی گاڑی ناکے کراس کرکے آگے چلی گئی جس کے بعد پولیس نے ان کی گاڑی کو گولیوں کا نشانہ بنایا جس کے نتیجے میں ارشد شریف موقع پر ہی جاں بحق ہوگئے۔
Short Link
Copied
