paksahafat پاک صحافت
Related Articles
کراچی (پاک صحافت) پی پی رہنما رضا ربانی نے وفاقی حکومت کو خبردار کرتے ہوئے کہا کہ امن و امان کی آڑ میں سندھ کے اندرونی معاملات میں مداخلت غیرقانونی و غیرآئینی اقدام ہے۔
تفصیلات کے مطابق پیپلزپارٹی کے رہنما سینیٹر رضا ربانی نے ذرائع ابلاغ کے نمائندوں سے گفتگو کرتے ہوئے کہا ہے کہ وفاقی وزیر داخلہ شیخ رشید نے اپنے دورہ سندھ کے دوران امن و امان کا بہانہ بناکر سندھ کے اندرونی معاملات میں مداخلت کرنے کی کوشش کی ہے۔ جو کہ غیرقانونی و غیرآئینی ہے۔
پی پی رہنما رضا ربانی کا مزید کہنا تھا کہ حالیہ دنوں میں تحریک لبیک پاکستان کے مظاہرین نے پورا پنجاب جام کردیا تھا جبکہ وفاقی حکومت اس معاملے میں خاموش رہی جو وفاق کا دہرا معیاد ظاہر کرتی ہے۔ انہوں نے کہا کہ دو وفاقی وزراء وفاق اور سندھ کے درمیان تناو بڑھا کر اپنے ذاتی مفادات حاصل کرنے کی کوشش کررہے ہیں۔
Short Link
Copied
