paksahafat پاک صحافت
Related Articles
لاہور (پاک صحافت) پنجاب اسمبلی میں سابق وزیراعظم ذوالفقار علی بھٹو کو قومی ہیرو قرار دینے کی قرارداد کثریت رائے سے منظور کرلی گئی ہے۔
تفصیلات کے مطابق قرارداد حیدر علی گیلانی نے پنجاب اسمبلی ایوان میں پیش کی جسے منظور کرلیا گیا۔ اس سے قبل جمعرات کو سندھ اسمبلی نے ذوالفقار علی بھٹو کو قومی ہیرو قرار دینے کی قرارداد متفقہ طور پر منظور کی تھی۔
اطلاعات کے مطابق بلوچستان اسمبلی میں بھی ایسی ہی ایک قرارداد منظور کرانے کی تیاری کی جا رہی ہے۔ یہ قراردادیں بھٹو کی پھانسی کے حوالے سے صدارتی ریفرنس پر سپریم کورٹ آف پاکستان کی رائے سامنے آنے کے بعد منظور کی گئی ہیں۔
سپریم کورٹ نے رواں ہفتے قرار دیا تھا کہ ذوالفقار علی بھٹو کو فیئرٹرائل نہیں ملا۔ تاہم عدالت عظمی نے بھٹو کی پھانسی کو جوڈیشل مرڈر یا عدالتی قتل قرار نہیں دیا جیسا کہ پیپلز پارٹی کہتی ہے۔
عدالت عظمی کا یہ بھی کہنا تھا کہ بھٹو کی پھانسی کے فیصلے کو ختم یا تبدیل نہیں کیا جا سکتا۔
