paksahafat پاک صحافت
Related Articles
لاہور (پاک صحافت) مریم نواز نے لندن میں نامعلوم افراد کی جانب سے نواز شریف پر حملے کی کوشش کے بعد ردعمل کا اظہار کرتے ہوئے کہا کہ خدا کسی کو کم ظرف اور بزدل دشمن نہ دے۔
تفصیلات کے مطابق مسلم لیگ ن کی نائب صدر مریم نواز نے لندن میں نامعلوم افراد کی جانب سے ان کے والد کو نشانے بنانے کی کوشش پر ایک بیان جاری کرتے ہوئے کہا ہے کہ نواز شریف کی زندگی کے ساتھ دوران حراست کھلواڑ کرنے والے اب تک باز نہیں آئے ہیں۔
سماجی رابطے کی ویب سائٹ ٹوئٹر پر جاری بیان میں مریم نواز کا مزید کہنا ہے کہ نواز شریف کا مقابلہ اس سوچ سے ہے جس نے میری بیمار والدہ کی تصویریں بنانے کی کوشش کی، ہوٹل میں میرے کمرے کا دروازہ توڑا اور آج پھر نواز شریف پر حملہ آور ہونے کی کوشش کی گئی ہے۔
یاد رہے کہ لندن میں چار مسلح افراد نے نواز شریف پر حملے کی کوشش کی ہے جبکہ پولیس کے بروقت پہنچنے پر حملہ آور وہاں سے فرار ہوگئے ہیں۔
