paksahafat پاک صحافت
Related Articles
کراچی (پاک صحافت) کراچی کے ایڈمنسٹریٹر اور سندھ حکومت کے ترجمان مرتضیٰ وہاب نے کہا ہے کہ ہم کام کرنا چاہتے ہیں خدارا مخالفین کاموں کو لسانیت کا رنگ نہ دیں۔ خیا ل رہے کہ انہوں نے فیڈرل بی ایریا میں پارک کی افتتاحی تقریب سے خطاب کے دوران ان خیالات کا اظہار کیا۔
تفصیلات کے مطابق ایڈمنسٹریٹر کراچی اور سندھ حکومت کے ترجمان فیڈرل بی ایریا میں پارک کی افتتاحی تقریب سے خطاب کے دوران کہا ہے کہ چائنا کٹنگ کے باعث تباہ پارکس کو بحال کر رہے ہیں۔ مرتضی وہاب کا کہنا ہے کہ جن لوگوں نے بھی چائنا کٹنگ کی، ان کے خلاف کارروائی ہونی چاہیے۔
واضح رہے کہ اس موقع پر مرتضیٰ وہاب نے مزید کہا کہ 80 کروڑ روپے کی لاگت سے سڑک تعمیر کرنے جارہے ہیں، صنعتی علاقوں میں مہران ہائی وے پر کام چل رہا ہے، ماری پور روڈ پر کام سندھ حکومت نے مکمل کرلیا ہے۔ پی ٹی آئی سے متعلق بات کرتے ہوئے ان کا کہنا تھا کہ اللّٰہ پی ٹی آئی کو صحیح غلط کی تمیز دے، گورنر صاحب کی مرضی ہے وہ بلدیاتی بل پر دستخط کریں یا نہ کریں۔
