paksahafat پاک صحافت
Related Articles
خانیوال (پاک صحافت) پاکستان مسلم لیگ ن کے رہنما اور پنجاب اسمبلی کے قائد حزب اختلاف حمزہ شہباز نے پی ٹی آئی حکومت کو آڑے ہاتھوں لیتے ہوئے کہا ہے کہ موجودہ حکومت کرپشن کا جھوٹ بول کر اپنی نا اہلی چھپا رہی ہے، عوام کے خلاف انتقامی کارروائیاں جاری ہیں۔
تفصیلات کے مطابق خانیوال میں میڈیا سے گفتگو کرتے ہوئے پنجاب اسمبلی میں قائد حزب اختلاف حمزہ شہباز کا کہنا تھا کہ دعا کریں عوام کو اس حکومتی عذاب سے نجات ملے۔ منی لانڈرنگ کے الزامات سے متعلق انہوں نے کہا کہ 4 برس کے جھوٹ ایک طرف مگر برطانیہ کی عدالت نے شہبازشریف کو سرخرو کیا۔
واضح رہے کہ میڈیا سے گفتگو کے دوران حمزہ شہباز کا مزید کہنا تھا کہ مہنگائی نے غریبوں کا جینا حرام کر دیا ہے، لوگوں کے پاس دوائی اور بجلی کے بلوں کے پیسے نہیں، قوم کرب میں مبتلا ہے، ہم دوبارہ سے ترقی کا دور شروع کریں گے، عوام کی فلاح کے لیے کوئی منصوبہ نہیں بنایا گیا۔
