paksahafat پاک صحافت
Related Articles
اسلام آباد (پاک صحافت) احسن اقبال کا کہنا ہے کہ حلقہ بندیوں کے نتیجے میں انتخابات کا دورانیہ 90 دن سے طویل ہوگیا ہے۔
تفصیلات کے مطابق سابق وفاقی وزیر اور رہنما مسلم لیگ (ن) احسن اقبال نے میڈیا سے گفتگو کرتے ہوئے کہا ہے کہ آئندہ عام انتخابات سے متعلق الیکشن کمیشن کو تجاویز پیش کیں اور انتخابی عمل کی شفافیت پر بات کی۔ الیکشن کمیشن سے انتخابی عمل کے اخراجات میں کمی اور خواتین کے ووٹنگ عمل میں شمولیت پر بھی گفتگو ہوئی۔
احسن اقبال کا مزید کہنا تھا کہ الیکشن کمیشن نے ہماری تجاویز پر غور کرنے کی یقین دہانی کرائی ہے۔ کسی ملک کو انتخابی عمل میں اس کی آدھی آبادی کو باہر نہیں رکھا جا سکتا، الیکشن کمیشن نے کہا تمام سیاسی جماعتوں سے ضابطہ اخلاق شیئر کریں گے۔
انہوں نے کہا کہ انتخابی عمل کی نگرانی کے لئے طریقہ کار وضع کیا جائے، البتہ حلقہ بندیوں کے نتیجے میں انتخابات کا دورانیہ 90 دن سے طویل ہوگیا ہے۔
