paksahafat پاک صحافت
Related Articles
لاہور (پاک صحافت) احسن اقبال کا کہنا ہے کہ جو دوسروں کو چور ڈاکو کہتا تھا وہ 60 ارب کا ڈاکا ڈال کے چلا گیا۔
تفصیلات کے مطابق مسلم لیگ (ن) کے سیکرٹری جنرل احسن اقبال نے کہا ہے کہ نواز شریف نے ملک میں ترقی کی کوشش کی، ان کو سازش کے تحت ہٹا دیا گیا ، نواز شریف نے ملک سے لوڈ شیڈنگ ختم کی ، ان کی کوششوں سے پاکستان کا امن بحال ہوا۔
احسن اقبال کا مزید کہنا تھا کہ نشستوں کا کوئی کوٹہ نہیں ہوتا، ان تمام جماعتوں کا پیچھا پیپلز پارٹی نے بھی کیا لیکن بات نہیں بنی، اس لیے پیپلز پارٹی کی نظر میں یہ جماعتیں بری ہوگئی ہیں۔
انہوں نے کہا کہ بانی پی ٹی آئی عمران خان کی حکومت نے جھوٹا کیس بنا کر مجھے جیل میں ڈالا جو دوسروں کو چور ڈاکو کہتا تھا وہ 60 ارب کا ڈاکا ڈال کے چلا گیا۔
واضح رہے کہ مسلم لیگ (ن) کے ساتھ سیٹ ایڈجسٹمنٹ کیلئے استحکام پاکستان پارٹی (آئی پی پی) نے اپنے امیدواروں کی فہرست تیار کرلی۔
