paksahafat پاک صحافت
Related Articles
مظفرآباد (پاک صحافت) جماعت اسلامی نے پارٹی کے سینئر رہنما عبدالرشید ترابی کی بنیادی رکنیت ختم کرکے انہیں پارٹی سے بے دخل کردیا ہے۔
تفصیلات کے مطابق آزادکشمیر الیکشن میں پی ٹی آئی امیدوار کے حق میں دستبردار ہونے پر جماعت اسلامی نے عبدالرشید ترابی کی بنیادی رکنیت ختم کردی ہے۔ جماعت اسلامی آزاد جموں و کشمیر کے امیر ڈاکٹر خالد محمود خان نے کہا ہے کہ عبدالرشید ترابی کا فیصلہ ذاتی ہے اور اب ان کا پارٹی سے کوئی تعلق نہیں ہے۔
امیر جماعت اسلامی آزاد جموں و کشمیر کا مزید کہنا ہے کہ جماعت اسلامی کی کسی کے ساتھ سیٹ ایڈجسٹمنٹ یا اتحاد نہیں ہوا ہے۔ جماعت اسلامی نے مرکزی مجلس شوری کے اجلاس میں یہ فیصلہ کیا تھاکہ اپنے جھنڈے، انتخابی نشان اور منشور کے ساتھ تنہا میدان میں اتریں گے۔ انہوں نے کہا کہ جماعت اسلامی کے 31 حلقوں میں امیدواران بھرپور انتخابی مہم چلا رہے ہیں۔
