paksahafat پاک صحافت
Related Articles
اسلام آباد (پاک صحافت) راجہ ریاض کا کہنا ہے کہ ملکی آئین اور قانون کو توڑنے اور پامال کرنے والا ہیرو نہیں بلکہ قومی مجرم ہے جس کے خلاف قانونی کارروائی ہونی چاہئے۔
تفصیلات کے مطابق تحریک انصاف کے بانی ناراض رہنما راجہ ریاض نے اسمبلی اجلاس میں اظہار خیال کرتے ہوئے کہا ہے کہ جو کچھ اس ایوان میں پچھلے 2 ماہ میں ہوتا رہا وہ بدقسمتی ہے، یہاں صدر اور گورنر حلف لینے کے بجائے بیمار ہو جاتے ہیں۔ شکر ہے ڈپٹی سپیکر کے حلف کیلئے سپیکر پرویز اشرف بیمار نہیں ہوئے۔
راجہ ریاض کا مزید کہنا تھا کہ جس جس نے بھی اس مقدس ایوان، ملکی آئین اور قانون کو پامال کیا ہے اسے انصاف کے کٹہرے میں کھڑا کرنا چاہئے تاکہ آئندہ کوئی اس قسم کی گھناونی حرکت نہ کرسکے۔ آئین شکنی کرنے والا کسی صورت پاکستانی قوم کا ہیرو نہیں ہوسکتا بلکہ وہ ایک مجرم ہے۔
Short Link
Copied
