paksahafat پاک صحافت
Related Articles
اسلام آباد (پاک صحافت) وزیراعظم ہاؤس میں شام اور ترکیہ کے زلزلے کے بعد امدادی کارروائیوں میں حصہ لینے والوں کے اعزاز میں تقریب منعقد کی گئی۔
تفصیلات کے مطابق تقریب سے خطاب میں وزیراعظم شہباز شریف کا کہنا تھا کہ ہماری سرچ اینڈ ریسکیو ٹیموں کی ترکیہ اور شام میں خدمات کو پاکستان میں عوام نے سراہا ہے۔ شاندار پیشہ ورانہ طور پر ریسکیو خدمات انجام دیں اور درجنوں افراد کو ملبے سے نکالا ہے۔
وزیراعظم شہبازشریف کا مزید کہنا تھا کہ ہماری سرچ اینڈ ریسکیو ٹیموں نے ترکیہ کے بھائیوں بہنوں کے دلوں میں جگہ بنائی ہے۔ ریسکیو ٹیموں نے پاک ترک دوستی کی لاج رکھی اور برادرانہ رشتے میں بے پناہ محبت کا اضافہ کیا۔ ترکیہ سے رشتہ صدیوں پر محیط ہے، تحریک خلافت سے صدیوں پر پھیلا یہ رشتہ مضبوط ہوا ہے۔
انہوں نے کہا کہ پاکستان اور ترکیہ یک جان دو قالب ہیں، معاشی مشکلات کے باوجود برادر ملک سے تعاون جاری رکھیں گے۔ وزیر اعظم نے ترکیہ اور شام کے زلزلہ سے متاثرہ علاقوں میں خدمات سرانجام دینے والی پاکستان کی سرچ اینڈ ریسکیو ٹیموں کے ارکان میں تعریفی اسناد تقسیم کیں۔
