paksahafat پاک صحافت
Related Articles
کراچی (پاک صحافت) تحریک انصاف کی سابق رکن قومی اسمبلی صائمہ ندیم نے بھی پارٹی چھوڑنے کا اعلان کردیا ہے۔
تفصیلات کے مطابق پی ٹی آئی رہنما صائمہ ندیم نے ایک ویڈیو بیان جاری کرتے ہوئے کہا ہے کہ نو مئی کو جو واقعات ہوئے وہ ناقابل برداشت ہیں اور میں ان کی شدید مذمت کرتی ہوں، میں اس عمل پر پارٹی سے تمام عہدوں سے مستعفی ہوتی ہوں اور اب میرا تحریک انصاف سے کوئی تعلق نہیں ہے، پاکستان ہے تو ہم ہیں۔
واضح رہے کہ پاکستان تحریک انصاف کی سابق ایم این اے صائمہ ندیم کو باہر جانے سے روک دیا گیا تھا، صائمہ ندیم غیرملکی ایئرلائن کی پرواز ای کے 503 سے کینیڈا کے شہر ٹورنٹو جارہی تھیں۔ انہیں پرواز ٹیک آف ہونے تک آگے نہ جانے دیا گیا۔
صائمہ ندیم کو پرواز روانگی کے بعد پولیس اپنے ساتھ لے گئی۔ ذرائع کا کہنا ہے کہ سیکیورٹی اداروں کے پاس فرار میں کوشاں پی ٹی آئی قیادت کی فہرست موجود ہے۔
