اسلام آباد (پاک صحافت) شیری رحمان کا کہنا ہے کہ پی ٹی آئی کی تبدیلی سونامی اب مہنگائی سونامی میں تبدیل ہوچکا ہے جس نے عوام سے جینے کا حق چھین لیا ہے۔
تفصیلات کے مطابق پیپلزپارٹی کی رہنما سینیٹر شیری رحمان نے کہا ہے کہ آئی ایم ایف سے مذاکرات سے پہلے ڈالر اور پیٹرول کی قیمتوں میں اضافہ کس بات کی نشاندہی ہے؟ رواں ماہ حکومت نے پیٹرول کی قیمتوں میں 5 روپے فی لیٹر اضافہ کیا ہے
رہنما پی پی پی سینیٹر شیری رحمان کا مزید کہنا تھا کہ یہ حکومت پہلے ہی 3 سال میں پیٹرول کی قیمتوں میں 28 روپے کا اضافہ کر چکی ہے۔ ڈالر اور پیٹرول کی قیمتوں میں مزید اضافہ مہنگائی کا خطرناک طوفان لے آئے گا۔