نوڈیرو (پاک صحافت) گڑھی خدابخش بھٹو شہید محترمہ بے نظیر بھٹو کی 17 ویں برسی کے انتظامات کے سلسلہ میں جائزہ اجلاس ہوا۔
تفصیلات کے مطابق اجلاس میں بجلی کی بلا تعطل فراہمی اور پانی کی دستیابی کو یقینی بنانے کی ہدایت کی گئی، پولیس کے مطابق 8500 سے زائد پولیس اہلکار تعینات، سی سی ٹی وی کیمرے اور واک تھرو گیٹس نصب کئے جائیں گے۔
اجلاس میں مزار اور اس کے اطراف صفائی کو بہتر بنانے کی ہدایت کی گئی، اجلاس میں برسی کے دوران میڈیکل کیمپس اور ایمبولینس سروسز مہیا کرنے کی بھی ہدایت کی گئی۔ کمشنر لاڑکانہ نے ٹریفک جام سے بچنے کے لیے پارکنگ ایریاز منظم کرنے کے احکامات جاری کر دیئے،
اجلاس میں 700 ٹریفک اہلکار تعینات، ٹریفک کے بہاؤ کو یقینی بنانے کے احکامات دیئے گئے، کمشنر لاڑکانہ کا کہنا تھا کہ برسی کے انتظامات 24 دسمبر تک مکمل کیے جائیں۔
Short Link
Copied