paksahafat پاک صحافت
Related Articles
لاہور (پاک صحافت) سلیم خان کا کہنا ہے کہ نوازشریف کے ساتھ زیادتی کا ازالہ ہوگیا، ان کا بھائی شہباز شریف وزیراعظم ہے اور بیٹی وزیراعلی پنجاب کے منصب پر فائز ہے۔
تفصیلات کے مطابق گورنر پنجاب سلیم حیدر خان نے کہا ہے کہ اب نواز شریف کو اپنے ساتھ ہونے والے زیادتی کا بار بار ذکر نہیں کرنا چاہیے۔ نوازشریف کو چاہئے مریم نواز اور شہباز شریف پر چیک اینڈ بیلنس رکھیں اور ان کے اس کے بارے میں پوچھتے رہیں۔ لیڈنگ رول ن لیگ نے ادا کرنا ہے ہم ان کا ساتھ دے سکتے ہیں پہلے بھی سب ناراض ہوتے تھے۔ مولانا ناراض ہو کر سائیڈ میں بیٹھے ہیں۔ مولانا صاحب خطرہ نہیں بنیں گے۔ جب ان کو منانے کی ضرورت محسوس ہوگی تو زرداری صاحب ان کو منالیں گے۔
سلیم حیدر خان کا مزید کہنا تھا کہ الیکشن پر بہت گلے شکوہ ہیں ،جب تک لوگوں کا الیکشن پر اعتماد بحال نہیں ہوگا تب تک ملک ٹھیک نہیں ہوگا۔ کوئی لوٹ مار کا پیسہ لگا کر الیکشن کے لڑے گا تو کوئی زمینیں بیچ کر الیکشن یا دوست سے پیسے مار کر ہر کوئی لوٹ مار کے پیسوں سے الیکشن نہیں لڑتا۔ اچھے برے افراد ہر سیکٹر میں ہوتے ہیں۔ یہ ملک باربار انتخابات کا متحمل نہیں ہوسکتا آصف زرداری مفاہمت کے بادشاہ ہیں اور وہی سب کو ایک ساتھ بیٹھا سکتے ہیں۔ ہم سمجھتے ہیں کہ سب ساتھ مل کر بیٹھیں گے تو عوام کا اعتماد بحال ہوگا۔
انہوں نے کہا کہ 1997 سے بنی پی ٹی آئی اچانک سے ابھر کر سامنے آئی اور تیسری پارٹی بن گئی، تحریک انصاف کو کون لے کر آیا سب کو معلوم ہے۔ پاکستان بننے سے لے کر اب تک ایک یا دو انتخابات ہی فری اینڈ فئیر ہوئے ہیں۔ عمران خان کی سیاست لڑائی جھگڑے کی سیاست ہے وہ سمجھتے ہیں کہ مولا جٹ بن جانے سے ووٹ ملتے ہیں۔ پی پی نے ہمیشہ ملک بچایا ہے ان لوگوں نے ملک تباہ کیا ہے۔
