paksahafat پاک صحافت
Related Articles
کراچی (پاک صحافت) سعید غنی کا کہنا ہے کہ الیکشن کمیشن کی جانب سے بلدیاتی انتخابات کے ملتوی ہونے سے پی پی پی کے امیدوار اور کارکنوں میں مایوسی پیدا ہوئی ہے۔
تفصیلات کے مطابق پیپلزپارٹی کے رہنما اور صوبائی وزیر سعید غنی نے بلدیاتی انتخابات کے ملتوی ہونے پر ردِ عمل دیتے ہوئے کہا کہ بلدیاتی انتخابات کے ملتوی ہونے سے پی پی پی کے امیدوار اور کارکنوں میں مایوسی پیدا ہوئی ہے، ہم 24 جولائی کیلئے مکمل تیار تھے۔
سعید غنی کا مزید کہنا ہے کہ الیکشن کمیشن کا فیصلہ سمجھ سے بالاتر ہے، انتخابات سے چند روز قبل تاریخ کی تبدیلی سے امیدواروں پر بھاری بوجھ پڑے گا اور انتخابی سرگرمیاں مانند پڑ جائیں گی۔ واضح رہے کہ الیکشن کمیشن نے کراچی اور حیدرآباد میں خراب موسمی صورت حال اور محرم الحرام کی وجہ سے بلدیاتی انتخابات کے دوسرے مرحلے کو ملتوی کردیا ہے۔
Short Link
Copied
