paksahafat پاک صحافت
Related Articles
اسلام آباد (پاک صحافت) ایل پی جی کی قیمت میں ہوشربا اضافے کے بعد مہنگائی کے ستائے عوام کی پریشانیوں میں مزید اضافہ ہوگیا۔ خیال رہے کہ آئل اینڈ گیس ریگولیٹری اتھارٹی(اوگرا) نے ایل پی جی کی قیمت میں ہوشربا اضافہ کردیا۔
تفصیلات کے مطابق آئل اینڈ گیس ریگولیٹری اتھارٹی (اوگرا) نے مارچ کے لیے ایل پی جی کی قیمت میں 27 روپے ایک پیسے فی کلو اضافے کا اعلان کیا ہے۔ ایل پی جی کی ایک کلوگرام کی نئی قیمت 233 روپے 78 پیسے ہوگئی ہے جس کے بعد 11.8 کلو کا گھریلو سیلنڈر 318 روپے 74 پیسے مہنگا ہوگیا ہے۔
واضح رہے کہ ایل پی جی کی قیمت میں اضافے کے بعد گھریلو سیلنڈر کی نئی قیمت 2758 روپے 67 پیسے ہوگئی جبکہ گزشتہ ماہ فروری میں ایل پی جی کا گھریلو سیلنڈر 2439 روپے 93 پیسے کا تھا۔ یاد رہے کہ ایل پی جی کی نئی قیمتوں کا اطلاق یکم مارچ 2022 سے ہوگا۔
Short Link
Copied
