paksahafat پاک صحافت
Related Articles
کراچی (پاک صحافت) موجودہ سیلاب سے ہونے والی تباہی و نقصان اور سیلاب زدگان کے لئے امدادی کارروائیوں کا جائزہ لینے کے لئے آرمی چیف جنرل قمرجاوید باجوہ کراچی پہنچ گئے ہیں۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ کراچی پہنچ گئے ہیں جہاں انہیں سندھ اور بلوچستان میں سیلابی صورتحال اور امدادی کاموں پر بریفنگ دی جائے گی۔ جنرل قمر جاوید باجوہ سندھ اور بلوچستان میں فوجی جوانوں کی امدادی سرگرمیوں کا جائزہ لیں گے۔
آئی ایس پی آر کا کہنا ہے کہ آرمی ایئر ڈیفنس کمانڈ ہیڈکوارٹرز میں آرمی فلڈ ریلیف سینٹر قائم کیا گیا ہے جس کا مقصد ملٹری آپریشنز ڈائریکٹریٹ کے ساتھ قومی فلڈ ریلیف اقدامات کو کوآرڈینیٹ کرنا ہے۔ ملک کے دیگر علاقوں میں بھی فلڈ ریلیف سینٹرز قائم کردیے گئے ہیں۔ ان سینٹرز پر امدادی اشیاء اکھٹی کر کے متاثرین تک پہنچائی جارہی ہیں۔
