paksahafat پاک صحافت
Related Articles
لاہور (پاک صحافت) جماعت اسلامی کے امیر سراج الحق نے وزیر اعظم عمران خان کی جانب سے کراچی گرین لائن منصوبے کی افتتاح پر تنقید کا نشانہ بناتے ہوئے کہا کہ ادھورے منصوبے کا افتتاح عوام سے دھوکہ ہے۔ انہوں نے یہ بھی کہا کہ ملک میں بڑھتی مہنگائی کا ذمہ دار موجودہ حکومت ہے۔
تفصیلات کے مطابق وزیر اعظم عمران خان کے گرین بس کے افتتاح کیخلاف مسلم لیگ ن اور پیپلزپارٹی کے رہنماؤں کے بعد جماعت اسلامی کے امیر سراج الحق بھی میدان میں آگئے ، سراج الحق کا کہنا ہے کہ ادھورے منصوبے کا افتتاح کراچی کے عوام سے دھوکہ ہے ۔ پی ٹی آئی حکومت ادھورے منصوبوں پر تختیاں لگا کر صرف کریڈٹ لینا چاہتی ہے۔
واضح رہے کہ امیر جماعت اسلامی سراج الحق نے جاری بیان میں مزید کہا کہ این اے 133 کے ضمنی انتخاب میں پیسہ چلا جو جمہوریت کی نفی ہے ، حکمران جمہوریت قائم رکھنے میں ناکام ہوئے ۔ سراج الحق کا کہنا ہے کہ موجودہ نظام میں کسی غریب انسان کے اسمبلی میں آنے کے امکانات نا ممکن ہیں ۔
