paksahafat پاک صحافت
Related Articles
لاہور (پاک صحافت) راجہ پرویز اشرف کا کہنا ہے کہ حکومتی اتحادی جماعتوں کی ملاقاتیں اور بیانات عمران خان کے تاریک مستقبل کی نوید دے رہی ہیں، حکومت کا خاتمہ یقینی ہے۔
تفصیلات کے مطابق سابق وزیراعظم اور پیپلزپارٹی وسطی پنجاب کے صدر راجہ پرویز اشرف نے کہا ہے کہ کوئی خان صاحب کو بتائے کہ انہیں قومی اسمبلی میں 172 ارکان شو کرنیکی ضرورت ہے۔ عمران خان کو اپنوں کا اعتماد ہی حاصل نہیں، ڈی چوک میں دس لاکھ افراد بلانا غیرمتعلقہ ہے۔
راجہ پرویز اشرف کا مزید کہنا ہے کہ آپ کی بچت ہاؤس میں اکثریت ثابت کرنے میں ہے، باہر کا ماحول خراب کرنا مسئلے کا حل ہے نہ اس سے معاملات سلجھیں گے۔ انہوں نے کہا کہ دس لاکھ تو کیا اب 10 کارکن بھی آپ کی کال پر کان نہیں دھریں گے، آپ کے منہ سے جھڑنے والے “پھول” آپکے لیے کانٹے بن سکتے ہیں۔
Short Link
Copied
