paksahafat پاک صحافت
Related Articles
ڈیرہ غازی خان (پاک صحافت) پاکستان مسلم لیگ ن پنجاب کے صدر رانا ثناء اللہ نے آج ڈیرہ غازی (ڈی جی) خان میں ہونے والےجسلے سے متعلق بیان میں کہا ہے کہ ڈی جی خان میں ہونے والا آج کا جلسہ ملک میں بڑھتی مہنگائی اور لاقانونیت کے خلاف ہے، جس میں صوبے بھر سے قافلے پہنچنا شروع ہو چکے ہیں۔
تفصیلات کے مطابق پاکستان مسلم لیگ ن کے رہنما رانا ثناء اللہ نے میڈیا سے گفتگو کرتے ہوئے ڈی جی خان میں ہونے والے پی ڈی ایم کے جلسے سے متعلق خیالات کا اظہار کیا، رانا ثناء اللہ کا کہنا تھا کہ جنوبی پنجاب کے تمام علاقوں سے قافلے جلسہ گاہ پہنچیں گے۔ رانا ثناء اللہ کے مطابق آج کا جلسہ مہنگائی اور لاقانونیت کے خلاف ہے۔
واضح رہے کہ جنوبی پنجاب کے شہر ڈیرہ غازی خان میں اپوزیشن اتحاد پاکستان ڈیموکریٹک موومنٹ (پی ڈی ایم) کے تحت آج ریلوے روڈ پر جلسہ منعقد ہو گا۔ پی ڈی ایم کے سربراہ مولانا فضل الرحمٰن، مسلم لیگ ن کے صدر شہباز شریف اور دیگر اپوزیشن اتحاد کے قائدین خطاب کریں گے۔
