paksahafat پاک صحافت
Related Articles
اسلام آباد (پاک صحافت) شیری رحمان کا کہنا ہے کہ صدر عارف علوی اپنے وضاحتی بیان کے بعد صدارت کے آئینی عہدے پر رہنے کے اہل نہیں رہے۔
تفصیلات کے مطابق پاکستان پیپلز پارٹی کی رہنما شیری رحمن نے صدر کے بیان پر ردعمل دیتے ہوئے کہا ہے کہ عارف علوی کی وضاحت ان کے صدارتی منصب سنبھالنے کی اہلیت پر سوالیہ نشان ہے۔ کیا وہ یہ کہنا چاہتے کہ ان کی ناک کے نیچے بلز پر کوئی اور دستخط کرتا ہے؟۔
شیری رحمان کا مزید کہنا ہے کہ اگر ایسا ہی ہے تو صدر کو اس عہدے سے فوری طور پر مستعفی ہونا چاہیے، اگر آپ کا عملہ آپ کی کہنے میں نہیں تو آپ صدارتی منصب چھوڑ دیں۔ تحریک انصاف کی حکومت میں وہ صدر ہاوس کو آرڈیننس فیکٹری کے طور پر چلاتے رہے۔
انہوں نے سوال کیا کہ کیا اس وقت بھی آرڈیننسز پر کوئی اور دستخط کر کے واپس کرتا تھا؟۔
Short Link
Copied
