paksahafat پاک صحافت
Related Articles
اسلام آباد (پاک صحافت) شازیہ مری کا کہنا ہے کہ سیلاب متاثرین کے ساتھ کسی صورت کسی قسم کی زیادتی نہیں ہونے دیں گے، وفاقی حکومت متاثرین کو بھرپور امداد دے رہی ہے۔
تفصیلات کے مطابق وفاقی وزیر برائے تخفیف غربت شازیہ مری نے پریس کانفرنس سے خطاب کرتے ہوئے کہا ہے کہ سیلاب متاثرین کے فنڈز میں ہیکنگ سے متعلق خبریں اینگلنگ کی کوشش ہے۔ جہاں لوگ اے ٹی ایم استعمال کرتے ہیں اور بینک اکاؤنٹس ہوتے ہیں وہاں یہ بینکنگ سسٹم کے مسائل موجود ہیں۔
شازیہ مری کا مزید کہنا تھا کہ اینگلنگ کرکے سوشل پروٹیکشن پروگرام کو بھی نقصان پہنچایا جاتا ہے، اس سے پروگرام کی کریڈیبیلٹی پر سوالات اٹھانے کی ناکام کوشش ہوتی ہے۔ انہوں نے کہا کہ سائبر کے مسائل ہوتے ہیں، یہ ایشو بے نظیر انکم سپورٹ پروگرام سے ریلیٹڈ نہیں، بینکنگ سے ریلیٹڈ ہوتے ہیں، پانچ چھ کیسز ہیں لیکن ہم کسی کے ساتھ زیادتی نہیں ہونے دیں گے۔
