paksahafat پاک صحافت
Related Articles
کراچی (پاک صحافت) سپریم کورٹ کے جج جسٹس مظاہر نقوی کے خلاف سندھ ہائیکورٹ بار نے ریفرنس دائر کردیا ہے۔
تفصیلات کے مطابق سندھ ہائیکورٹ بار نے جسٹس مظاہر علی نقوی کے خلاف سپریم جوڈیشل کونسل میں ریفرنس دائر کر دیا ہے۔ سندھ ہائیکورٹ بار کے وائس چئیرمین کے توسط سے دائر ہونے والے ریفرنس میں موقف اختیار کیا گیا ہے کہ جسٹس مظاہر اکبر نقوی کا رویہ عہدے کے حلف کے خلاف ہے لہذا ان کے خلاف انکوائری شروع کرائی جائے۔
واضح رہے کہ اس سے قبل بھی جسٹس مظاہر نقوی کے خلاف سپریم جوڈیشل کونسل میں ریفرنسز دائر ہوچکے ہیں۔ جسٹس قاضی فائز عیسی اور جسٹس طارق مسعود نے چیف جسٹس عمر عطا بندیال سمیت سپریم جوڈیشل کونسل کے دیگر اراکین کو خط لکھا تھا جس میں مطالبہ کیا گیا تھا کہ جسٹس مظاہر نقوی کے معاملے پر اجلاس بلایا جائے۔
Short Link
Copied
