paksahafat پاک صحافت
Related Articles
اسلام آباد (پاک صحافت) ملکی تاریخ میں پہلی بار کسی خاتون نے سپریم کورٹ کی جج کی حیثیت سے حلف اٹھا لیا ہے۔ جسٹس عائشہ ملک پاکستان کی پہلی خاتون ہیں جنہوں نے سپریم کورٹ کی جج کا حلف اٹھایا ہے۔
تفصیلات کے مطابق جسٹس عائشہ ملک کی تقریب حلف برداری سپریم کورٹ میں ہوئی، چیف جسٹس پاکستان جسٹس گلزار احمد نے جسٹس عائشہ ملک سے بطور سپریم کورٹ جج حلف لیا۔ جسٹس عائشہ پاکستان کی تاریخ میں سپریم کورٹ میں تعینات ہونے والی پہلی خاتون ہیں۔
یاد رہے کہ جسٹس عائشہ ملک 27 مارچ 2012 کو بطور جج لاہور ہائیکورٹ تعینات ہوئیں اور لاہور ہائیکورٹ میں جسٹس عائشہ ملک نے تقریبا 10 سال فرائض سر انجام دیے۔ جسٹس عائشہ ملک کی سپریم کورٹ میں مدت ملازمت 2031 تک ہے۔
Short Link
Copied
