paksahafat پاک صحافت
Related Articles
پاک صحافت تل ابیب میں لوگوں کی بڑی تعداد نتن یاہو کے خلاف احتجاج کے لیے جمع ہوئی۔
مظاہرین کا کہنا ہے کہ طاقت کے استعمال کے باوجود نیتن یاہو ابھی تک ہمارے یرغمالیوں کو آزاد نہیں کرا سکے۔
نیتن یاہو کی مخالفت کرنے والے مظاہرین اس بات پر سخت ناراض ہیں کہ غزہ پر حملوں اور بم دھماکوں کے باوجود ہمارے یرغمالیوں کو رہا نہیں کیا جا رہا۔ تل ابیب میں صہیونی جنگ کی وزارت کے باہر مظاہرہ کرنے والے مظاہرین نے نیتن یاہو کی کابینہ کو تحلیل کرنے اور قبل از وقت انتخابات کا مطالبہ کیا ہے۔
نیتن یاہو کے خلاف جاری مظاہروں کے درمیان حماس کے رہنما اسامہ حمدان نے کہا ہے کہ غزہ پر حملے کے باوجود ناجائز صیہونی حکومت وہاں اپنے کسی بھی اہداف کو حاصل کرنے میں کامیاب نہیں ہو سکی ہے۔ انہوں نے کہا کہ 121 دن گزرنے کے باوجود امریکی حمایت یافتہ صیہونی حکومت کے حملے ابھی تک نہیں رکے ہیں۔ انہوں نے کہا کہ ناجائز صیہونی حکومت مختلف حیلوں بہانوں سے فلسطینیوں پر ظلم ڈھا رہی ہے لیکن اپنے کسی بھی اہداف میں کامیاب نہیں ہو رہی ہے۔
حماس کے رہنما کے مطابق فلسطینی پناہ گزینوں کے لیے کام کرنے والے اقوام متحدہ کے ادارے این آر ڈبلیو اے کو بعض ممالک کی جانب سے مالی امداد روکنا ایک غیر منصفانہ فعل ہے اور فلسطینیوں کی نسلی تطہیر میں مدد کرنے کے مترادف ہے۔
