paksahafat پاک صحافت
Related Articles
پاک صحافت اسلامی جمہوریہ ایران کے وزیر خارجہ نے فلسطین کے حوالے سے اسلامی ممالک کے وزرائے خارجہ کے ہنگامی اجلاس کی میزبانی کے لیے اپنی آمادگی کا اعلان کیا ہے۔
وزیر خارجہ حسین امیر عبداللہیان نے اسلامی تعاون تنظیم کے سیکرٹری جنرل حسین ابراہیم طہٰ کے ساتھ ٹیلی فون پر گفتگو میں تمام اسلامی ممالک سے فلسطینی عوام کی مدد کے لیے فوری اقدامات کا مطالبہ کیا ہے۔
وزیر خارجہ نے اسلامی تعاون تنظیم کے سیکرٹری جنرل کے ساتھ ٹیلیفونک گفتگو میں فلسطین کی صورتحال پر تبادلہ خیال کیا۔
اسلامی تعاون تنظیم کے سیکرٹری جنرل نے فلسطینی عوام کے خلاف اسرائیل کے حملوں کی مذمت کرتے ہوئے صہیونی حملوں کا مشترکہ جواب دینے کے لیے تمام اسلامی ممالک کے درمیان ہم آہنگی اور تعاون پر زور دیا۔
اسلامی تعاون تنظیم کے سیکرٹری جنرل حسین ابراہیم طہ نے فلسطین کی صورتحال کے حوالے سے تنظیم کی عمل درآمد کمیٹی اور اسلامی ممالک کے وزرائے خارجہ کا اجلاس بلانے کے لیے ایران کے وزیر خارجہ کی تجویز کا خیر مقدم کیا۔
انہوں نے فلسطینی عوام کی مدد پر زور دیتے ہوئے رکن ممالک کے وزرائے خارجہ تک ایران کی تجاویز پہنچانے کی بات کی۔
