paksahafat پاک صحافت
Related Articles
پاک صحافت قرآن پاک کو جلانے جیسی گھناؤنی حرکتیں کرکے مسلمانوں کو مشتعل کرنے کی کوشش کی جارہی ہے۔
کاظم جلالی کا کہنا ہے کہ دشمن قرآن پاک کی بے حرمتی کرکے وہ حاصل نہیں کرسکا جو وہ چاہتا تھا۔ روس میں ایران کے سفیر کاظم جلالی نے کہا ہے کہ قرآن پاک کو جلا کر دشمن مسلمانوں کی طرف سے غیر معقول ردعمل پیدا کرنے میں ناکام رہے۔
انہوں نے قرآن پاک کی بے حرمتی کی سخت ترین الفاظ میں مذمت کرتے ہوئے کہا کہ مغربی ممالک کو جان لینا چاہیے کہ اس طرح کے قابل مذمت اقدامات سے وہ مسلمانوں میں غیر معقول ردعمل کو ہوا نہیں دے سکیں گے۔
کاظم جلالی نے یہ بات ماسکو میں محرم الحرام سے متعلق ایک پروگرام میں گفتگو کرتے ہوئے کہی۔ ماسکو کی مسجد خاتم الانبیاء میں خطاب کرتے ہوئے انہوں نے کہا کہ رہبر انقلاب اسلامی اور عالم اسلام کے علما پوری دور اندیشی کے ساتھ صورتحال پر نظر رکھے ہوئے ہیں۔ اس معاملے میں وہ بڑی سوچ سمجھ کر فیصلے کرتے ہیں۔
یاد رہے کہ مغرب بالخصوص سویڈن میں گزشتہ چند ہفتوں کے دوران اس ملک کی پولیس کی رضامندی سے مسلمانوں کی مقدس کتاب قرآن مجید کی بے حرمتی کی گئی۔
