paksahafat پاک صحافت
Related Articles
پاک صحافت اسلامی تعاون تنظیم (او آئی سی) نے سویڈن میں حکومت کی سرپرستی میں قرآن پاک کی بے حرمتی پر شدید اعتراض کا اظہار کرتے ہوئے سویڈن کے خصوصی ایلچی کی سرگرمیاں معطل کر دی ہیں۔
اسلامی اور عرب ممالک میں بھی اس واقعہ کی مذمت کا سلسلہ جاری ہے جس سے دنیا کے تقریباً دو ارب مسلمانوں کے جذبات مجروح ہوئے ہیں۔
اتوار کو او آئی ایس نے اعلان کیا کہ تنظیم کے لیے سویڈن کے خصوصی ایلچی کی سرگرمیاں معطل کر دی گئی ہیں۔ تنظیم کا کہنا ہے کہ اسلامی صحیفے کی بے حرمتی کرنے والے کسی بھی ملک کے ساتھ تعلقات پر نظر ثانی کی جائے گی۔
تنظیم کی جانب سے جاری کردہ ایک بیان میں کہا گیا ہے کہ او آئی سی کے سیکرٹری جنرل حسین ابراہیم طحہ نے سویڈن کے وزیر خارجہ ٹوبیاس یسٹروم کو ایک خط بھیج کر اس بارے میں آگاہ کیا ہے۔
بیان میں کہا گیا ہے کہ یہ فیصلہ تنظیم کے ہنگامی اجلاس کے بعد جاری کردہ ہدایات کی بنیاد پر کیا گیا ہے۔
او آئی سی کے سیکرٹری جنرل حسین ابراہیم طہٰ نے بھی ڈنمارک میں عراقی سفارت خانے کے سامنے قرآن کی بے حرمتی کے واقعے کی شدید مذمت کی۔ انہوں نے کہا کہ ہم اسلام کی مقدس چیزوں اور شخصیات کی شان میں گستاخی پر اپنے شدید اعتراض کا اظہار کرتے ہیں جس کے خطرناک نتائج برآمد ہوتے ہیں۔
ادھر قرآن پاک کی بے حرمتی کے خلاف مظاہروں کا سلسلہ بھی جاری ہے۔
