paksahafat پاک صحافت
Related Articles
پاک صحافت صیہونی حکومت کے سابق وزیر اعظم یائر لاپد نے کہا ہے کہ بنجمن نیتن یاہو کی قیادت میں امریکا اور صیہونی حکومت کے درمیان تعلقات اس حد تک خراب ہو گئے ہیں کہ واشنگٹن اب ہمارا قریبی اتحادی نہیں رہا۔
اخبار ٹائمز اسرائیل کے مطابق لاپڈ نے کہا کہ نیتن یاہو کی سربراہی میں اسرائیلی کابینہ قانون میں تبدیلی کا بل منظور کر کے امریکا کے ساتھ اتحاد اور یکجہتی کو ختم کر رہی ہے۔
خیال رہے کہ نیتن یاہو کی سربراہی میں اسرائیلی کابینہ قانون میں تبدیلی کی کوشش کر رہی ہے اور اس کوشش سے اسرائیل کی عدلیہ کا اختیار کم ہو جائے گا اور اس کے مقابلے میں ایگزیکٹو اور حکومت کے اختیارات بڑھ جائیں گے۔
نیتن یاہو کے مخالفین کا کہنا ہے کہ وہ عدلیہ کو کمزور کر کے اپنے آپ کو بچانے کی کوشش کر رہے ہیں۔ نیتن یاہو پر بدعنوانی کے الزامات ہیں اور وہ عدلیہ کے قوانین میں تبدیلی کر کے اپنے خلاف کیس کو ہلکا کرنے کی کوشش کر رہے ہیں۔
لاپڈ نے کہا کہ اسرائیلی حکومت ہماری تاریخ کی سب سے بڑی تبدیلی پیدا کر کے ہمیں بحران کی طرف لے جا رہی ہے۔ اسی طرح انہوں نے ایک انٹرویو میں کہا کہ اسرائیلی دو حصوں میں تقسیم ہو رہے ہیں اور امریکہ کے ساتھ اسرائیل کے تعلقات تاریخ کی کم ترین سطح پر پہنچ چکے ہیں اور امریکی کہتے ہیں کہ صیہونی حکومت کے ساتھ ہماری کوئی قدر مشترک نہیں ہے۔
