paksahafat پاک صحافت
Related Articles
تھران {پاک صحفات} اسلامی جمہوریہ ایران کے وزیر خارجہ نے کہا ہے کہ اگر امریکہ حقیقت پسندی کا مظاہرہ کرے تو مذاکرات نتیجہ خیز ہوسکتے ہیں۔
ایران کے وزیر خارجہ حسین امیر عبداللہیان نے ایک ٹویٹ میں کہا کہ ایران کے نائب وزیر خارجہ اور سینئر جوہری مذاکرات کار علی باقری کنی نے بڑی سنجیدگی اور ان کے ساتھ مکمل ہم آہنگی کے ساتھ پابندیوں کے خاتمے پر منطقی اور فعال مذاکرات کا سلسلہ آگے بڑھایا ہے۔
ایران کے وزیر خارجہ نے کہا کہ ہم قومی طاقت اور طاقت کی بنیاد پر اور سوچ سمجھ کر کوششیں جاری رکھیں گے۔ انہوں نے کہا کہ امریکہ کی جانب سے حقیقت پسندانہ انداز اپنانا اور ایران کو جوہری معاہدے کے اقتصادی فوائد حاصل ہونے کی ضمانت دینا ان مذاکرات کے نتائج کا باعث بن سکتا ہے۔
واضح رہے کہ ایران کے خلاف پابندیوں کے خاتمے سے متعلق مذاکرات 28 اور 29 جون کو قطر کے دارالحکومت دوحہ میں منعقد ہوئے تھے جس میں سینئر جوہری مذاکرات کار اور نائب وزیر خارجہ علی باقری کنی اور یورپی یونین کی خارجہ پالیسی کے نائب سربراہ مملکت اینریک مورا نے شرکت کی تھی۔
