paksahafat پاک صحافت
Related Articles
(پاک صحافت) مختلف رپورٹس میں کہا گیا ہے کہ صیہونی حکومت کو غزہ کے خلاف چھ ماہ کی جنگ کے بعد 56 ارب ڈالر کا نقصان ہوا ہے۔
تفصیلات کے مطابق غزہ کے خلاف 6 ماہ کی جنگ کے بعد صیہونی حکومت کی معیشت کو بہت زیادہ نقصان پہنچا ہے جس کا تخمینہ 56 بلین ڈالر لگایا گیا ہے اور اس کے علاوہ یہ حکومت شدید بجٹ خسارے اور عوامی قرضوں میں غیر معمولی اضافے کی گواہ ہے۔ دوسری جانب اسرائیلی ریڈیو اور ٹیلی ویژن کی تنظیم نے ایک سروے کیا جس کی بنیاد پر 68 فیصد اسرائیلیوں نے کہا کہ نیتن یاہو غزہ کے خلاف جنگ کو ٹھیک طریقے سے نہیں چلا رہے۔
نیز 42 فیصد اسرائیلیوں نے 7 اکتوبر کی شکست کی وجہ سے نیتن یاہو کے فوری استعفی کا مطالبہ کیا۔ صیہونی حکومت کے ٹی وی چینل 12 نے بھی ایک سروے کیا جس کی بنیاد پر 50 فیصد اسرائیلیوں نے کہا کہ قبل از وقت انتخابات ہونے چاہئیں اور نیتن یاہو کی کابینہ ختم ہونی چاہیے۔
اس سروے کے مطابق صرف 14% اسرائیلیوں نے کہا کہ وہ سمجھتے ہیں کہ حکومت نے غزہ میں اسرائیلی قیدیوں کی رہائی کے لیے ضروری کام کیا ہے۔ 49% اسرائیلیوں نے بھی اس بات پر زور دیا کہ نیتن یاہو کے فیصلوں کے پیچھے سیاسی محرکات ہیں۔
