اقوام متحدہ اسرائیل کے خلاف سخت کاروائی کرے: شام

اقوام متحدہ اسرائیل کے خلاف سخت کاروائی کرے: شام

شام کی وزارت خارجہ نے اقوام متحدہ کی سلامتی کونسل کے نام ایک مراسلے میں صیہونی حکومت کی جارحیت کو روکنے اور اس کے خلاف سخت کارروائی کرنے کا مطالبہ کیا ہے۔

موصولہ اطلاعات کے مطابق  شام کی وزارت خارجہ نے اس مراسلے میں اقوام متحدہ کے سیکریٹری جنرل سے کہا ہے کہ امریکہ کی حمایت سے صیہونی حکومت  شام پر مسلسل جارحیت کر رہی ہے اور اگر یہ سلسلہ جاری رہا تو اس کے خطرناک نتائج بر آمد ہوں گے۔

شام کی وزارت خارجہ نے اس مراسلے میں اس جانب اشارہ کرتے ہوئے کہ جس وقت اسرائیل نے شام پر جارحیت کی اس وقت شام کے عوام کرسمس کا جشن منا رہے تھے اقوام متحدہ کی سلامتی کونسل کے اراکین سے کہا کہ وہ اسرائیل کی جارحیت کے مقابلے میں اپنی خاموشی کو توڑتے ہوئ‏ے امن و صلح کی برقراری کیلئے اپنی ذمہ داریوں پر عمل کریں۔

واضح رہے کہ شامی فوج کے اینٹی ایر کرافٹ یونٹ نے کل فوری کارروائی کرتے ہوئے اسرائیل کی جانب سے داغے جانے والے میزائلوں کو نشانہ بنا کر فضا ہی میں انہیں تباہ کر دیا تھا۔

یہ بھی پڑھیں

فوج

آکسیوس: امریکہ نے اسرائیل سے اپنے ہتھیار استعمال کرنے کی تحریری ضمانت مانگی

پاک صحافت امریکی ویب سائٹ ایکسیس نے بدھ کی صبح دعویٰ کیا ہے کہ امریکہ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے