paksahafat پاک صحافت
Related Articles
پاک صحافت اردن میں امریکی فوجی اڈے پر ڈرون حملے کے بعد ترجمان وائٹ ہاؤس نے اعلان کیا ہے کہ امریکا ایران کے خلاف جنگ نہیں چاہتا اور ایرانی حکومت سے ہمارا کوئی تنازعہ نہیں ہے۔
پاک صحافت کی رپورٹ کے مطابق وائٹ ہاؤس کی قومی سلامتی کونسل کے اسٹریٹجک تعلقات کے کوآرڈینیٹر جان کربی نے واشنگٹن میں صحافیوں سے گفتگو کرتے ہوئے کہا کہ امریکا ایران کے خلاف جنگ نہیں چاہتا اور ہم ایرانی حکومت کے ساتھ کسی قسم کے تنازع میں دلچسپی نہیں رکھتے۔
ان کا کہنا تھا کہ وہ امریکی صدر کے کسی بھی فیصلے سے پہلے کچھ کہنا پسند نہیں کریں گے، وہ صرف اتنا کہنا چاہتے ہیں کہ امریکا کے خلاف اس طرح کے حملے جاری ہیں اور ان حملوں میں امریکی فوجیوں کا نقصان ہو رہا ہے۔
جان کربی نے کہا کہ امریکی صدر نے قومی سلامتی کونسل کے ارکان سے کئی ملاقاتیں کی ہیں اور مختلف آپشنز پر غور کیا جا رہا ہے۔
انہوں نے کہا کہ امریکہ کے اتحادیوں نے بھی مشرق وسطیٰ کی موجودہ صورتحال پر گہری تشویش کا اظہار کیا ہے۔ جان کربی نے زور دے کر کہا کہ امریکہ اسرائیل کا ساتھی اور اتحادی ہے اور امریکہ اسرائیل کی حمایت جاری رکھے گا۔
