paksahafat پاک صحافت
Related Articles
فیس بک نے چینی ہیکروں کے ایک گروپ کو اُس وقت روک دیا ہے جب وہ پلیٹ فارم کا استعمال کرتے ہوئے بیرون ملک مقیم ایغوروں کے لنکس کو نشانہ بنارہے تھے تاکہ اُن کے آلات کو متاثر کرکے اُن کی نگرانی کی جائے۔
سوشل میڈیا کمپنی نے کہا کہ ہیکرز جنھیں سیکیورٹی کی اصطلاح میں ارتھ ایمپیوسا یا ایول آئی کے نام سے جانا جاتا ہے ، نے سرگرم کارکنوں ، صحافیوں اور دیگر افراد کو نشانہ بنایا جن کی اکثریت کا تعلق ایغوروں سے ہے۔
فیس بک نے کہا کہ 500 افراد کو ہدف بنایا گیا تھا جو زیادہ تر سنکیانگ خطے سے تھے لیکن ترکی ، قازقستان ، امریکہ ، شام ، آسٹریلیا اور کینیڈا سمیت دوسرے ممالک میں بھی مقیم ہیں۔
فیس بک کے سائبرسیکیوریٹی تفتیش کاروں نے ایک بلاگ پوسٹ میں کہا کہ یہ سرگرمی ایک بہتر پلاننگ اور مستحکم آپریشن کی علامت تھی جس میں کرنے والے کا پتہ لگانا مشکل ہوتا ہے۔
فیس بک نے کہا کہ ہیکنگ گروپ جعلی فیس بک اکاؤنٹس کے ذریعے صحافیوں ، طلباء ، انسانی حقوق کے حامیوں یا ایغور برادری کے ممبروں کے طور پر اپنے اہداف میں اعتماد پیدا کرتا ہے اور پھر ان کے آلات پر جاسوسی کا سافٹ ویئر انسٹال کرتا ہے۔
