paksahafat پاک صحافت
Related Articles
پاک صحافت غزہ پر صہیونی فوج کے وحشیانہ اور غیر انسانی حملوں کے باعث دنیا بھر میں اسرائیل کے خلاف غصہ بڑھتا جا رہا ہے جب کہ لاطینی امریکہ کے کئی ممالک نے تل ابیب کے خلاف سخت اقدامات اٹھائے ہیں۔
کولمبیا اور چلی نے اسرائیل سے اپنے سفیروں کو واپس بلانے کا فیصلہ کیا ہے جب کہ بولیویا نے صیہونی حکومت سے سیاسی تعلقات منقطع کر لیے ہیں۔
ارجنٹائن نے غزہ میں جبالیہ پناہ گزین کیمپ پر اسرائیل کے وحشیانہ حملوں کو تنقید کا نشانہ بنایا ہے جب کہ صیہونی حکومت کو تسلیم کرنے والا اردن پہلا عرب ملک بن گیا ہے جس نے تل ابیب سے اپنے سفیر کو واپس بلایا ہے۔
اردن نے کہا ہے کہ اسرائیلی بمباری سے بے گناہ فلسطینیوں کی ہلاکت اور غزہ میں انسانی بحران پیدا ہو رہا ہے۔
بولیویا کے نائب وزیر دفاع فریڈی ممانی نے پریس کانفرنس کے دوران غزہ میں صہیونی فوج کے وحشیانہ حملوں کی شدید مذمت کرتے ہوئے اسرائیل کے ساتھ تعلقات منقطع کرنے کا اعلان کیا۔
انہوں نے کہا کہ بولیویا غزہ کی پٹی میں اسرائیل کے حملوں کی شدید مذمت کرتا ہے اور اس کے ساتھ ہی تل ابیب کے ساتھ اپنے سفارتی تعلقات توڑنے کا فیصلہ کر رہا ہے۔
