paksahafat پاک صحافت
Related Articles
پاک صحافت فلسطین اور اسرائیل کے درمیان 7 اکتوبر سے شروع ہونے والی جنگ چوتھے روز میں داخل ہو گئی ہے۔
امریکی صدر جو بائیڈن نے کہا ہے کہ حماس کی کارروائیوں میں کم از کم 11 امریکی مارے گئے ہیں۔ اسی طرح انہوں نے کہا کہ غالباً دیگر امریکی بھی حماس کے ہاتھوں یرغمال بنے ہوئے ہیں جبکہ غزہ کی پٹی پر صیہونی حکومت کے مسلسل حملوں میں شہید ہونے والے فلسطینیوں کی تعداد 704 اور زخمیوں کی تعداد 3900 تک پہنچ گئی ہے۔
خبر رساں ادارے تسنیم کی رپورٹ کے مطابق، آج صبح صیہونی حکومت کے جنگی طیاروں نے غزہ کی پٹی کے شمالی اور جنوبی علاقوں پر بمباری کی جس میں متعدد فلسطینی شہید اور زخمی ہوئے۔ امریکہ، یورپ اور مغربی ممالک کی حمایت حاصل کرنے کے باوجود صیہونی حکومت فلسطینی جنگجوؤں سے اپنے زیر کنٹرول علاقوں کو واپس نہیں لے سکی۔
دوسری جانب اقوام متحدہ میں اسرائیلی سفیر نے چار روز کے بعد کہا ہے کہ اس وقت شاید 150 اسرائیلی حماس کے ہاتھوں یرغمال ہیں تاہم یرغمال بنائے جانے والوں کی صحیح تعداد معلوم نہیں ہے۔
