paksahafat پاک صحافت
Related Articles
پاک صحافت یورپی ممالک گیس کی قیمتوں کی حد مقرر کرنے کے معاملے پر آپس میں دست و گریباں ہیں۔
یورپ میں گیس کی قیمتوں میں ہوشربا اضافے کے بعد روسی گیس کی قیمت کی حد مقرر کرنے کے لیے یورپی ممالک کے توانائی کے وزراء کا اجلاس آئندہ منگل کو ہونے والا ہے تاہم اس سے قبل ہی یورپی ممالک کے درمیان شدید اختلافات پیدا ہو گئے ہیں۔
بلومبرگ نے ذرائع کے حوالے سے رپورٹ دی ہے کہ بیلجیئم، یونان، اٹلی اور پولینڈ سمیت 12 ممالک نے عندیہ دیا ہے کہ وہ قیمتوں کی حد مقرر کرنے کی کوششوں کو کامیاب نہیں ہونے دیں گے بلکہ مارکیٹ کو سنبھالنے کے لیے کوئی اور مناسب طریقہ اپنانا ہوگا۔
دریں اثناء یورپی یونین کے مرکزی بینک نے خبردار کیا ہے کہ گیس کے بحران کے مالیاتی نظام پر بہت سنگین اثرات مرتب ہو رہے ہیں۔
یورپی ممالک نے ہفتے کے روز روسی گیس کی قیمت کی حد پر اتفاق کرنے کے لیے ملاقات کی لیکن گہرے اختلافات کی وجہ سے وہ کسی معاہدے تک نہیں پہنچ سکے۔ اب اس معاملے پر پیر کو بھی بات ہوگی۔
27 ممالک کے فیڈریشن میں، 12 ممالک نے کہا ہے کہ وہ چاہتے ہیں کہ قیمت کی حد اس قیمت کی حد سے بہت کم ہو جس کے بارے میں اس وقت بات کی جا رہی ہے۔
یوکرین میں جنگ کے بعد روس نے یورپ کو گیس کی سپلائی میں زبردست کمی کر دی ہے جس کی وجہ سے یورپ میں توانائی کی قیمتیں بہت بڑھ گئی ہیں۔
جرمنی اور ہالینڈ کا کہنا ہے کہ اگر گیس کی قیمت کی حد اتنی کم رکھی گئی کہ گیس پیدا کرنے والے ممالک مطمئن نہ ہوں تو پورے یورپ کے لیے ایک بڑا مسئلہ کھڑا ہو جائے گا۔
مغربی ممالک نے روسی تیل کی قیمت کی حد مقرر کر دی ہے جس کے بعد روس نے کہا ہے کہ روس کسی ایسے ملک کو تیل فروخت نہیں کرے گا جو قیمت کی حد کی بنیاد پر تیل خریدنا چاہتا ہے۔
