paksahafat پاک صحافت
Related Articles
بیجنگ {پاک صحافت} چین میں بلٹ ٹرین پٹری سے اتر گئی جس کے بعد ٹکرانے سے ٹرین کو کافی نقصان پہنچا ہے۔
سرنگ میں داخل ہوتے ہی بلٹ ٹرین کی دو بوگیاں پٹری سے اتر گئیں۔ زخمیوں کو اسپتال میں داخل کرایا گیا ہے جہاں ان کی حالت مستحکم ہے۔ باقی 136 مسافروں کو محفوظ مقام پر منتقل کر دیا گیا ہے۔
چین کے صوبہ گوئژو میں ہفتے کے روز ایک بلٹ ٹرین لینڈ سلائیڈنگ کے باعث پٹری سے اتر گئی۔ اس حادثے میں ٹرین کا ڈرائیور جان کی بازی ہار گیا جب کہ 8 مسافر زخمی ہو گئے جن کی حالت مستحکم بتائی جاتی ہے۔ پٹری سے اترنے کے بعد تصادم کے باعث ٹرین کو بری طرح نقصان پہنچا۔ یہ حادثہ دوپہر کے وقت اس وقت پیش آیا جب ٹرین جنوبی گیزہو میں ایک سرنگ میں داخل ہونے کے لیے جا رہی تھی۔ یہ ٹرین گوانگزو جا رہی تھی جو ایک کاروباری مرکز ہے۔
اطلاعات کے مطابق چین کے جنوب مغربی صوبہ گویانگ سے جنوبی صوبے گوانگژو جانے والی بلٹ ٹرین D2809 کی دو بوگیاں رونگجیانگ اسٹیشن پر اچانک لینڈ سلائیڈنگ کے باعث پٹری سے اتر گئیں۔ اس حادثے میں ٹرین کے ڈرائیور کی موت ہو گئی، جب کہ 8 مسافر زخمی ہو گئے۔ بلٹ ٹرین کی ساتویں اور آٹھویں بوگیاں یوزہائی ٹنل میں داخل ہوتے وقت پٹری سے اتر گئیں۔ تمام زخمی مسافروں کو مقامی ہسپتال لے جایا گیا اور ٹرین میں موجود باقی 136 مسافروں کو محفوظ مقام پر منتقل کر دیا گیا۔
خبر میں کہا گیا ہے کہ اس حادثے کی تحقیقات کی جا رہی ہیں۔
واضح رہے کہ چین ‘ہائی سپیڈ ریل نیٹ ورک’ کے حوالے سے دنیا میں سب سے آگے ہے۔ بلٹ ٹرینوں کے لیے تقریباً 40 ہزار کلومیٹر کا ٹریک ہے، جس پر یہ ٹرینیں 300 کلومیٹر فی گھنٹہ سے زیادہ کی رفتار سے چلتی ہیں۔ چین میں ہر سال لاکھوں افراد ان ٹرینوں پر سفر کرتے ہیں اور ان ٹرینوں کا حفاظتی ریکارڈ بھی اچھا ہے۔
