paksahafat پاک صحافت
Related Articles
واشنگٹن {پاک صحافت} یوکرین پر روس کے حملے پر ماسکو کے خلاف بڑے پیمانے پر مغربی پابندیوں کو جواز فراہم کرنے کی کوشش کرتے ہوئے امریکی صدر جو بائیڈن نے دعویٰ کیا ہے کہ دوسرا آپشن تیسری عالمی جنگ ہے۔
بائیڈن نے کہا کہ آپ کے پاس صرف دو آپشن ہیں: یا تو آپ روس کے خلاف جنگ میں جائیں یا پھر فیصلہ کریں کہ جو ملک بین الاقوامی قانون کو توڑے گا اس کو قیمت چکانا پڑے گی۔
امریکی صدر نے پوڈ کاسٹر برائن ٹائلر کوہن کو انٹرویو دیتے ہوئے کہا کہ مجھے یقین ہے کہ یہ تاریخ کی سب سے جامع اور سخت ترین پابندیاں ہیں، اس میں اقتصادی اور سیاسی دونوں پابندیاں شامل ہیں۔
ادھر روسی افواج یوکرین کے دوسرے بڑے شہر خارکیف میں داخل ہو گئی ہیں۔ ایک مقامی اہلکار نے اس کی جانکاری دی۔ ساتھ ہی روس نے یوکرین کے شہر نووا کاخووکا پر مکمل قبضہ کر لیا ہے۔
خبر رساں ادارے روئٹرز کے مطابق اتوار کو کیف میں فضائی حملے کی وارننگ جاری کر دی گئی ہے۔
اس بیان سے قبل ویڈیو فوٹیج منظر عام پر آئی تھی جس میں کئی روسی بکتر بند گاڑیاں شمال مشرقی شہر کی سڑکوں پر دکھائی دے رہی تھیں۔
مقامی حکام نے لوگوں سے گھروں کے اندر رہنے کی اپیل کی ہے اور دعویٰ کیا ہے کہ یوکرین کی فوج دشمنوں کو ختم کر رہی ہے۔
