paksahafat پاک صحافت
Related Articles
واشنگٹن {پاک صحافت} سابق امریکی صدر جمی کارٹن نے کہا ہے کہ ملک میں جمہوریت اب مکمل خاتمے کی طرف بڑھ رہی ہے جو کہ تشویشناک ہے۔
امریکی کانگریس پر ٹرمپ کے حامیوں کے حملے کی پہلی برسی کے موقع پر اس ملک کے سابق صدر نے امریکہ میں جمہوریت کی حالت پر تشویش کا اظہار کیا۔
جمی کارٹر نے اپنے ایک مضمون میں خبردار کیا ہے کہ امریکہ میں جمہوریت تیزی سے اپنے انجام کو پہنچ رہی ہے۔
نیویارک ٹائمز میں شائع ہونے والے اپنے مضمون میں کارٹر نے لکھا کہ اگر فوری طور پر کوئی کارروائی نہ کی گئی تو امریکہ کے اندر اندرونی تنازعات شروع ہو سکتے ہیں جس کی وجہ سے جمہوریت ہمارے ہاتھ سے نکل جائے گی۔
انہوں نے کہا کہ ہمیں اپنے اختلافات کو ایک طرف رکھ کر متحد ہونا ہو گا اس سے پہلے کہ بہت دیر ہو جائے۔
جمی کارٹر نے کہا کہ وہ لوگ جو الیکشن میں دھاندلی کا الزام لگا کر مسلسل تشہیر کر رہے ہیں وہ دراصل آئندہ الیکشن میں اپنی جیت کو یقینی بنانے کے لیے ایسا کر رہے ہیں۔ انہوں نے کہا کہ یہ چیز امریکی جمہوریت کے لیے ایک سنگین تنبیہ ہے۔
قابل ذکر ہے کہ 2020 کے امریکی صدارتی انتخابات میں اس ملک کے سابق صدر ٹرمپ نے ان انتخابات میں دھاندلی کا الزام لگایا تھا۔ ٹرمپ نے بعد میں اپنے حامیوں کو کانگریس کی عمارت پر حملہ کرنے کی ترغیب دی، جس کے بارے میں کافی ثبوت موجود ہیں۔ کانگریس پر اس حملے کو امریکی تاریخ میں بے مثال قرار دیا جا رہا ہے۔ آج اس حملے کی پہلی برسی ہے۔
