paksahafat پاک صحافت
Related Articles
واشنگٹن {پاک صحافت} موجودہ امریکی صدر جو بائیڈن نے کہا ہے کہ وہ 2024 کے صدارتی انتخابات میں حصہ لیں گے۔
فاکس نیوز کے مطابق جو بائیڈن نے بتایا ہے کہ وہ اگلے صدارتی انتخابات میں بھی حصہ لیں گے، شرط صرف یہ ہے کہ میری صحت ٹھیک رہے۔ انہوں نے کہا کہ اگر میری صحت ایسی ہی رہی جیسی اب ہے تو آئندہ صدارتی انتخاب میں ضرور حصہ لوں گا۔
بائیڈن نے یہ بھی کہا کہ اگر ٹرمپ 2014 کے صدارتی انتخابات میں امیدوار بنتے ہیں تو میرے الیکشن میں حصہ لینے کے امکانات بہت زیادہ ہوں گے۔
79 سالہ جو بائیڈن نے ایک ایسے وقت میں اگلے صدارتی انتخابات میں حصہ لینے کا اعلان کیا ہے جب مختلف وجوہات کی بنا پر امریکا میں ان کی مقبولیت میں کمی کا سلسلہ جاری ہے۔ کچھ لوگ بائیڈن کو بے روزگاری اور مہنگائی کا ذمہ دار ٹھہراتے ہیں۔
بائیڈن نے 2020 کے صدارتی انتخابات میں ڈیموکریٹک پارٹی کی جانب سے حصہ لیا تھا، جس میں انہوں نے ٹرمپ کے خلاف کامیابی حاصل کی تھی۔ تاہم ٹرمپ اور ان کے حامیوں کا دعویٰ ہے کہ انتخابات میں ڈیموکریٹس نے دھاندلی کی تھی۔
