paksahafat پاک صحافت
Related Articles
پاک صحافت بحیرہ احمر میں ایرانی بحری جہازوں پر تین بار حملے کے دو سال گذر جانے اور عالمی برادری کی خاموشی کے بعد ، تل ابیب حامی مغربی ممالک اب تہران پر دباؤ ڈالنے اور بے بنیاد الزامات کو سچ ثابت کرنے کے لیے دوڑ رہے ہیں۔
رواں ہفتے میں میری ٹائم کمرشل آپریشنز” نامی برطانوی فوجی گروپ نے ایک بیان میں دعویٰ کیا کہ بحیرہ عمان میں ایک جہاز کو نشانہ بنایا گیا ہےجس کے بعد برطانوی وزارت دفاع نے اعلان کیا کہ یہ جہاز صہیونی حکومت کی ملکیت ہے اور اسے القدم بندرگاہ سے 280 کلومیٹر دور نشانہ بنایا گیا ہے۔
لندن میں مقیم صہیونی ارب پتی زوڈیاک میری ٹائم کی ملکیت والی زوڈیاک میری ٹائم کمپنی نے اعلان کیا کہ مرچنٹ جہاز مرسر اسٹریٹ کا رومانیہ کا کپتان اور اس کا برطانوی محافظ اس حملے میں مارے گئے ہیں، اس واقعے کے چند گھنٹوں بعد ہی صہیونی حکام اور میڈیا نے بغیر کسی ثبوت کے دعویٰ کیا کہ ایران مرسر اسٹریٹ کے تجارتی جہاز پر حملے کا مجرم ہے۔
واضح رہے کہ اس واقعے کے بعد اس کے مرتکب کا تعین کرنے سے پہلے ، امریکہ ، نیٹو ، 7 گروپ ، اور کچھ مغربی ممالک نے صہیونی حکومت کے ساتھ مل کر ، ایران پر الزام لگایا اورتہران پر مزید دباؤ ڈالنے کے لیے سلامتی کونسل کا اجلاس بھی طلب کیا،جس میں اقوام متحدہ میں برطانوی ایلچی باربرا ووڈورڈ نے گروپ آف سیون وزرائے خارجہ کے اس دعوے کا اعادہ کیا کہ تہران مرسر اسٹریٹ جہاز پر حملے میں ملوث ہےاور یہ دعویٰ کیا کہ لندن جانتا ہے کہ ایران جان بوجھ کر جہاز پر حملے کا ذمہ دار ہے۔
واضح رہے اس وقت اتنی ہنگامہ آرائی کرنے والےاور سفارتی دباؤ کا مطالبہ کرنے والے امریکی ممالک دو سال قبل 6 ماہ کے اندر تین ایرانی ٹینکروں کو بحر احمر کے پانیوں میں تخریب کاری اور راکٹوں سے نشانہ بنائے جانے پرمکمل طور پر خاموش رہے، ان کی کوئی بھی آواز نہیں سنائی دی۔
