paksahafat پاک صحافت
Related Articles
کراچی (پاک صحافت) پاکستان شوبز انڈسٹری سے تعلق رکھنے والے اداکار احمد علی اکبر کے سرحد پار بھی دھوم مچ گئی، سرحد پار بھی ان کے چرچے ہونے لگے۔ یاد رہے کہ اداکار احمد علی اکبر جو کہ اپنے مقبول ترین ڈرامے ’پری زاد‘ کی وجہ سے عوام کے دلوں پر چھائے ہوئے ہیں۔
تفصیلات کے مطابق نجی ٹی وی چینل کے ‘پری زاد’ ڈرامے کی پاکستان بھر میں دھوم تھی اور عوام کو اس ڈرامے کے آخری قسط کا بےصبری سے انتظار بھی تھا۔ اس ڈرامے کی آخری قسط گزشتہ ہفتے سینیما گھروں میں نشر کی گئی تھی جبکہ ٹیلیویژن پر اس کی آخری قسط 2 روز قبل دکھائی گئی ہے۔
واضح رہے کہ اس ڈرامے کو پاکستان بھر میں بہت پسند کیا گیا ہے لیکن سرحد پار بھی اس کو خوب پذیرائی حاصل ہوئی ہے۔ یاد رہے کہ ڈرامے کا مرکزی کردار پاکستانی اداکار احمد اکبر نے ادا کیا ہے جن کی صلاحیتوں کو پاکستان سمیت بھارتی اداکاروں کی جانب سے بھی خوب تعریف کی جارہی ہے۔
