کرس گیل

کرس گیل پی ایس ایل چھوڑ کر ویسٹ انڈیز روانہ

کراچی (پاک صحافت) پاکستان سپر لیگ (پی ایس ایل) 6 میں کوئٹہ گلیڈی ایٹرز کی جانب سے کھیلنے والے ویسٹ اینڈز کے کھلاڑی پی ایس ایل کے میچز چھوڑ کر اپنے ملک روانہ ہوگئے،  اس  حوالے سے کرس گیل کا کہنا ہے کہ وہ ویسٹ انڈیز ٹیم کے ساتھ اپنی قومی ڈیوٹی کے لیے فی الحال وطن واپس جارہے ہیں لیکن وہ لاہور میں ہونے والے پی ایس ایل مرحلے میں اپنی ٹیم کوئٹہ گلیڈی ایٹرز کو جوائن کرنے کے لیے دوبارہ واپس آئیں گے۔ خیال رہے کہ 41 سالہ جارح مزاج بیٹسمین نے کہا کہ ان کی خواہش تو تھی کہ وہ پی ایس ایل کا کوئی میچ مس نہ کریں  اور  پوری لیگ کھیلیں، یہی وجہ تھی کہ انہوں نے اس لیگ میں اپنا نام درج کرایا۔

تفصیلات کے مطابق  کراچی میں لاہور قلندرز کے خلاف کوئٹہ گلیڈی ایٹرز کو شکست کے بعد میڈیا انٹرویو میں کرس گیل نے کہا کہ انہیں افسوس ہے کہ وہ لیگ کو فی الحال ادھورا چھوڑ کر ویسٹ انڈیز جارہے ہیں کیوں کہ انہیں اپنی نیشنل ٹیم کو جوائن کرنا ہے لیکن ابھی اس لیگ میں بہت کرکٹ باقی ہے اور وہ لاہور کے مرحلے میں دوبارہ واپس آئیں گے۔ کرس گیل کا کہنا تھا کہ وہ 15 سال بعد پاکستان آئے اور ارادہ تھا کہ اپنی کارکردگی سے لیگ میں چھا جاتے اور عوام کو بھرپور تفریح فراہم کرتے۔

واضح رہے کہ بلے باز   کرس گیل نے مزید کہا کہ وہ اپنی کارکردگی سے مطمئن ضرور ہیں لیکن ٹیم کی شکست پر افسوس ہے، ٹیم ایسا اسٹارٹ ہرگز نہیں چاہتی تھی لیکن ابھی ٹورنامنٹ کا آغاز ہی ہے، بہت میچز ہیں، امید ہے گلیڈی ایٹرز ان دو میچز کی شکست کو فراموش کرکے بقیہ میچز میں مثبت انداز میں کھیلتے ہوئے کم بیک کرے گی۔ ایک سوا ل پر کرس گیل نے امید ظاہر کی کہ پاکستان سپر لیگ میں آگے جا کر فل ہاؤس کراؤڈ دیکھنے کو ملے کیوں کہ جب میدان میں ہر شخص کسی ایک کھلاڑی کا نام لے کر اس کی حوصلہ افزائی کر رہا ہوتا ہے تو بہت اچھا لگتا ہے، اس سے نہ صرف بولر اور بیٹسمین کے درمیان معرکے کا مزہ آتا ہے بلکہ میچ کا ماحول بھی خوب بنتا ہے۔

یہ بھی پڑھیں

نیتن یاہو

صیہونی فوجی: نیتن یاہو اپنے آپ کو بچانے کے لیے اسرائیل کو آگ لگا دیں گے

پاک صحافت 1300 صیہونی فوجیوں نے صیہونی حکومت کے وزیراعظم بنجمن نیتن یاہو کے اقدامات …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے